Helga Hildur Snorradóttir

Allir í flensu

2003-11-27T23:08:00.000Z

ég er ekki að meika þetta. Bergey var veik í viku eins og ég sagði um daginn, þá tók ég við, og í fyrradag veiktust svo Gunnhildur og Snorri már, þannig að nú búum við í flensubæli...en sem betur fer eru nú reyndar allir að lifna við aftur. Þetta verður nú sennilea í eitt af síðustu skiptunum sem ég skrifa hér á bloggið því að eitt veit ég þessu held ég ekki áfram, þetta bara á ekki við mig, er ekki svona týpa í þetta- en var samt gaman að prófa.
Takk allir sem nenntu að kíkja
kveðja Helga Hildur

veikindi

2003-11-24T10:40:00.000Z

Bergey litla snúllan mín er tæplega 11 mánaða og er búin að vera veik núna í viku þannig að lítið hefur verið um nám hjá mér þessa dagana. Í gærkvöldi helltist svo flensan yfir mig þannig að þetta er ekki alveg að virka hjá mér og ekkert smá mikið að gera í skólanum, loka verkefnin bíða í röðum og öllum á að skila upp úr mánaðarmótum. Þannig að það er nóg að gera.... Annars er svo sem ekkert að frétta, bara búin að hanga heima og halda á skvísunni enda er hún alveg mömmu sjúk þessa dagana.

2003-11-18T20:00:00.000Z

Skilaboð sendi ég
Sent með GSMbloggi Og Vodafone

Geðveikir tónleikar

2003-11-17T11:30:00.000Z

Halló, tónleikarnir sl. föstudag með Todmobil og Sinfó voru hreint frábærir, við fórum á Ruby Thusday að snæða á eftir og kíktum svo í bæinn, bara ýkt gott og notó kvöld, jæja læt þetta duga í bili verð að fara að læra.

Tod og sinfó

2003-11-10T12:30:00.000Z

Sinfonían og Todmobil framundan. Get ekki beðið, við ásamt Einari og Elísabetu og Önnu og Ívari ætlum að skella okkur á tónleikana og síðan stendur til að fara út að borða og Rúsínan er að gista á hóteli. Verður örugglega ýkt notó og vissulega höfum við öll gott af þessu uppátæki.
Í fyrra bauð ég Gunna mínum í óvissuferð í Rvk. og var það á Sálina og Sinfó og síðan á Tabas bar það var þvílíkt gaman en reyndar sváfum við bara í okkar eigin rúmi þá helgina...enda var mín kasólétt....
Annars lítið í gangi, bara þetta venjulega...læra, taka til, skipta á bleiju os.frv. Það er bara gúrkutíð þessa dagana.

2003-11-04T11:55:00.000Z

Skilaboð sendi ég
Sent með GSMbloggi Og Vodafone

2003-11-04T11:52:00.000Z

Skilaboð sendi ég
Sent með GSMbloggi Og Vodafone

2003-11-04T11:47:00.000Z

GSMblogg prufa

power point

2003-11-04T11:39:00.000Z

Ég er svo til búin með glæruverkefnið. Mig minnir að það telji 10 glærur, get bætt við ef það er ékki nóg. Set verkefnið inn á heimasíðuna mína mjög fljótlega, kannski bara á morgun.

2003-11-04T11:32:00.000Z

jæja það er búið að vera geðveikt að gera hjá mér þannig að ég hef því miður látið bloggið alveg eiga sig. Reyndar finnst mér þetta dagbókarform ekki beint henta mér. Ég er bara ekki þessi týpa sem tjáir sig á netinu, finnst ég ekki hafa neitt að segja. Svona er þetta nú bara.....týpískur dagur hjá mér er bara hræðilega einsleitur..... heima allan daginn, skipta á litlu skvísunni, sníta, o.s.frv.
Sem stendur er vitlaust veður, snjór og læti og bara ýkt gott að sitja inni í hlýjunni fyrir framan tölvunna, Bergeyju litlu var nú samt hent út í vagn að sofa en n.b. hún er þó höfð í skjóli á bak við. Hvernig ætli standi á því að börn sofa svona miklu betur uti í vagni en inni???
Jæja verð dugleg að babla eitthvað næstu daga.
"sjáumst"

Allt á hvolfi

2003-10-21T22:39:00.000Z

Geðveikt að gera í verkefnavinnu í Khí þessa dagana og þ.a.l hef ég verið mjög löt að bulla hér á blogginu enda er þetta ekki mín sterkasta hlið. Máltaka heyrnarlausra barna á hug minn allann þessa stundina en um það er verkefnið mitt í málvísindum...síðan tekur eitt við af öðru, fjögur verkefni til mánaðarmóta - svo það er um að gera að halda sér við efnið.
Kvenfélagspartýið tókst mjög vel um síðustu helgi og löngu kominn tími á að rifja upp gamla takta.
Jæja takk fyrir að kíkja, skrifa meira seinna

Kvenfélagið Ósk

2003-10-14T22:42:00.000Z

Loksins. Kvenfélagið Ósk ætlar að hittast á laugardaginn. Hér er ekki verið að tala um eitthvað venjulegt kerlinga kvenfélag ó nei. Þetta skemmtilega félag saman stendur af 13 hressum keflvískum skvísum og var það stofnað 1994. Markmið félagsis er að skemmta sér og satt best að segja hefur það tekist með eindæmum vel. Félagið var á hátindi frægðarinnar og gleðinnar 1994-1999 og var ýmislegt brallað, haldnar voru árshátíðir, Viðeyjarleikar, haustfagnaðir o.sfrv. Verndari félagsins er hinn eini sanni Árni Jonsen og fórum við meira að segja að visitera Árna til Eyja. Árni hefur verið ótrúlega duglegur að hitta okkur, hann hefur mætt í afmæli, brúðkaup og aðrar uppákomur hjá okkur og á heiður skilið fyrir.
Ósk stendur fyrir ólofaðar stúlkur úr Keflavík því þegar félagið var stofnað voru 11 stelpur ólofaðar en einungis 2 lofaðar - enda fengu þær titilinn heiðursfélagar!! En í dag er staðan á stelpunum allt önnur, allar nema Helga Þóra (hún á bara vini?) komnar með karla upp á arminn og sumar hafa meira að segja gengið svo langt að láta plata sig upp að altarinu, jú og reyndar ein ný búin að skila sínum - svona er þetta. En þetta karlabrölt hefur leitt af sér 14 yndisleg börn, það elsta er 10 ára (en allar fylgdumst við vel með því hvort þungunarprófið væri jákvætt eða neikvætt :)) og það yngsta er 10 mánaða. Þau eru reyndar fjögur; Orri Freyer f. 23.12.02, Helga Guðrún og Sigrún Björk F. 27.12.02 og Bergey líka fædd 27.12.02 - Erum við ekki ótrúlegar?? Geri aðrar betur.
Því fleiri börn sem bættust í hópinn því færri urðu uppákomur kvenfélagsins, - svona er þetta bara. Félagið hefur látið lítið fyrir sér fara undanfarin 3 ár en nú á að bæta úr því. Gleðskapur framundan og það eina sem ég er viss um er að Árni Jonsen kemur ekki....

2003-10-14T22:39:00.000Z

Allt brjála'

2003-10-14T13:14:00.000Z

Leynivinur

2003-10-10T11:41:00.000Z

Fór í langþráðan saumaklúbb í gær. Klúbburinn var hjá Önnu Birgittu og bauð hún upp á flottar kræsingar eins og búast mátti við, - mmm alltaf gott að borða. Leynivinaleiknum lauk í gær en eins og ég átti von á þá var Bylgja minn leynivinur, hún kom upp um sig í fyrstu gjöf - með ljúffengri skúffuköku og jú allt nammið sem kom svo í kjölfarið - bara svona Bylgjulegt. En þetta var mjög gaman að standa í þessu og skemmtileg tilbreyting :)
Læt þetta gott heita í bili

2003-10-09T12:02:00.000Z

Brjálað að gera í skólanum, endalaus verkefni og mér finnst ég ekki sinna neinu vel sem er sjálfsagt rétt. Ætla nú samt í saumaklúbb í kvöld! Ég hef nú bara gott af því, er það ekki?? Búin að vera veikindi á heimilinu sl. daga þannig að það hefur verið lítill timi í nám, ég er bara ekkert ofurvenndi, það er á hreinu.
Þangað til næst :)

Húsafell

2003-10-05T21:27:00.000Z

Jæja komin heim úr sælunni, fór í sumarbústað í Húsafell um helgina. Reyndi að skrifa smá blogg á föstudag áður en ég fór en kerfið var eitthvað niðri. Það var mjög notó í Húsafelli, það hafa allir gott af því að skipta um umhverfi og gera ekkert í það minnsta mjög lítið. Við fjölskyldan fórum með Einari bróður, Elísabetu og Fannari Frey. Við gerðum þetta hefðbundna, grilluðum, spiluðum og fórum í pottinn. Maður kemur bara endurhlaðinn heim,,,, allir að drífa síg í burtu´yfir helgi ef mögulegt er.

Vefsíðugerð

2003-09-30T19:46:00.000Z

Núna í þessum töluðum er ég að reyna að vinna í heimasíðunni minni, ég er alveg glötuð í þessu - verð bara að viðurkenna það. Ég ætla að hafa starfsferilskrá og myndir á minni persónulegu síðu, hver veit nema ég bæti einhverju fleiru við þegar ég verð komin í gírinn. Ég tel mig hafa lokið við Vefrallýið en tæknisagan þarfnast lagfæringar. Þegar ég kíkji á síðuna mína á netinu kemur ekki það sem ég er búin að vera að gera - ætli þetta eigi að vera svona?? Skelfilega get ég verið klár!!
jæja það er best að halda aðeins áfram í vefsíðunni, vona að ég sé ekki að gera neina vitlausu...

Ný tölva

2003-09-28T22:43:00.000Z

Jæja mín búin að kaupa nýja tölvu enda löngu kominn tími á það. Keypti fartölvu og er bara ansi lukkuleg með kaupin og vona að þau séu bara þokkaleg. keypti HP tölvu hjá Samhæfni hér í Keflavík.
Hef svo sem ekki margt að segja í dag, bara búin að vera að chilla um helgina, og jú læra.
Bæ þar til næst....

Tæknisaga

2003-09-23T12:21:00.000Z

Tæknisga mín er frekar dapurleg. Ég keypti mína fyrstu tölvu 1995, hún var æði, 1.3 GB og 133 mhz. Ég man að ég var spurð að því hvað ég ætlaði að gera við allt þetta minni. Loksing sl. vor henti ég tölvunni og fékk tölvuna hans pabba lánaða en um hana veit ég bara að hún er stærri en mín!! Reyndar er ég að vinna í því að kaupa mér fartölvu, er að skoða hvað er til og í hverju bestu kaupin liggja. Ég er með eitt á hreinu, hún verður þráðlaus og svo ælta ég að splæsa í ADSL en núna er ég bara með hefðbundan símalínu, ekki einu sinni aukalínu. Notkunin á tölvunni hefur hingað til verið mjög lítil fyrir utan náminð enda tölvugræjurnar ekki upp á marga fiska. En það er nú verið að vinna í þessu. Krakkarnir ennþá það ungir að þau hafa ekki mikið verið í tölvunni en það er að breytast, strákurinn oft að biðja um að fá að fara á netið. Á heimilinu eru ekki til neinar græjur til að tengja við tölvuna fyrir utan prentarann en ég sé nú fyrir mér að við komum til að þróast smá saman - en samt voðalega hægt. Við erum ekki með þessi tölvugen sem til þarf og maðurinn meira að segja verri en ég.
Læt þetta duga núna, bæti við á morgun

Leynivinur

2003-09-22T22:08:00.000Z

Er búin að sitja við tölvuna í allt kvöld, var að enda við að klára verkefni í íslensku...og vitið þið hvað? Elísabet mágkona mín kemur færandi hendi með skúffuköku frá leynivini!! Ég á sko leynivin í saumaklúbbnum, ýkt gaman að fá köku. Höfum ekki gert neitt svona áður í klúbbnum en gaman að gera eitthvað nýtt og gleðja vini sína. Ég þarf að taka mig á því leynivinurinn minn hefur ekki fengið neitt frá mér ennþá en ég þarf að kippa því í lag. Batnandi fólki er best að lifa.... :) Kakan smakkast mjög vel. Held að Bylgja sé leynivinurinn....kemur í ljós í næsta klúbbi 9. okt.

2003-09-17T12:32:00.000Z

jæja, veit ekki alveg hvað ég ætla að skrifa um í dag. Ég er sko "bara" heima í vetur að hugsa um börnin þrjú, kallinn, heimilið og námið. Finnst eins og ég hafi ekki mörgu að miðla........ var þó að setja upp nýjar gardínur í gær í stofuna, svona japanska fleka, ýkt flott. 'Eg er svo heppin að eiga mömmu, ömmu og systur sem kunna allar að sauma og eru hver annari betri. svo kem ég, miðjubarn í fyrsta lagi og nenni ekki að sauma, miklu betra að láta þær um þetta. Hætt þessu nöldri. þar til næst. BÆ

Alveg gleymt að blogga

2003-09-14T23:27:00.000Z

Skil þetta bara ekki en ég hef alveg gleymt að blogga þessa vikuna...Svo sem ekkert að gerast, fullt af verkefnaskilum framundan og þ.a.l. nóg að gera. Merkilegt að allir kennarar skuli alltaf hrúgast á sömu skiladagana.
jæja er að hugsa um að læra meira í kvöld þannig að það er best að halda áfram.

Power Point

2003-09-14T23:24:00.000Z

Hef ekki hugmynd.... Er samt að hugsa um að gera þetta eitthvað í sambandi við hross. T.d. frumtamningar, gangtegundir og litir?? Eða á ég kannski að hafa þett eitthvað íslensku tengt??? Þarf aðeins að hugsa málið.

Vefrallý

2003-09-14T23:21:00.000Z

Reykjanesbær og næsta nágrenni

Þetta er einstaklingsverkefni og ætlað nemendum í 5.-7. bekk. Ætlunin er að kynnast nokkrum fyrirtækjum og stofnunm í gegnum heimasíður. Þið svarið spurningunum á Word skjali, munið að merkja spurningar, huga að uppsetningu og vanda stafsetningu.
MUNIÐ AÐ VISTA SKJALIÐ Á YKKAR HEIMASVÆÐI

Markmiðið er að æfa nemendur í leit á netinu og notkun og uppsetningu í Word.

SPURNINGAR

Hvert er netfangið á Bókasafni Reykjanesbæjar?

Hvernig er Bókasafnið opið á laugardögum?

Hvar er íþróttaminjasafnið staðsett?

Hver fékk fyrsta stjörnusporið á Ljósanótt?

Nefndu tvær erlendar borgir sem Reykjanesbær á í vinasambandi við.

Hvað heitir fréttabréf Bláa Lónsins

Í Flugstöð Leifs Eiríkssonar eru farþegar ekki kallaðir út í flugvélarnar við brottför. Af hverju ekki?

Hvað er m.a. hægt að skoða á Fræðasetrinu í Sandgerði?

Hvenær var kirkjan að Útskálum (Garður) reitst?

Hvað heita skólarnir í Reykjanesbæ?

Netföng:
Reykjanesbær
Ljósanótt
Bláa Lónið
Flugstöðin
Garður
Sandgerði

2003-09-07T16:03:00.000Z

Jæja þá er Ljósanóttin frá, tókst mjög vel og mikið gaman fyrir utan veðrið, rok og rigning um kvöldið sem er nú hápunkturinn. En svona er þetta bara. Flugeldasýningin var hreint frábær og þeir sem sáu segja þá í Rvk á menninganótt eigi að taka sig á og hætta með þessar partybombur !!!
Er svona pínu pirringur í minni í dag enda karlinn lítið heima, vinnan, veiði, hrossastand og nú göngur fram undan. Bíta á jaxlinn og brosa, muna það..... : )
Kveð í bili

Ljósanótt

2003-09-04T10:18:00.000Z

Gengur ekki neitt að reyna að hafa hugann við námið. Ætla að hafa 8 ára afmæli fyrir Gunnhildi og Snorra Má n.k þriðjudag og þarf að fara að hugsa út í það. Síðan er Ljósanótt hér í Kef á laugardag og mikil stemmning í bænum og svo þarf ég að þrífa þannig að skruddurnar fá engan tíma sem er alls ekki gott. Verð að fara að byrja. Ætli ég sé nokkuð sú eina sem er í þessum ham??? Jæja hef þetta stutt ætla að reyna að læra eitthvað núna á meðan Bergey sefur, er bara samt alltaf með hugann við eitthvað annað og finn jafnvel eitthvað sem þarf að gera....hætt. bæ..!

2003-09-02T12:35:00.000Z

Við mæðgurnar vöknuðum eldsnemma í morgun, kl. 6.30. Er að venja hana af brjósti og sú stutta var sko alls ekki á því að súpa úr glasi uppi í rúmi. En þetta hlýtur að hafast. stóru börnin fóru í skólann og síðan fór Bergey í 8 mánaða vigtun og sprautu. Við löbbuðum í blíðunni niður á spítala en þegar við komum aftur heim var ekki til þurr þráður á mér, ekta íslenskt veðurfar ! 'Akvað að skoða póstinn og svoleiðis vesen, er ekki alveg komin í gírinn með að læra, er greinilega ekki nógu öguð en er þó farin að kíkja svo að það verður að teljast góð byrjun. Jæja ætla að hætta og reyna að nota tíman, skottan gæti farið að vakna........

samskipti

2003-09-01T00:51:00.000Z

Netsamskipti eru af ýmsum toga, spurning af hverju maður leitar. Það er t.d. hægt að blogga eins og ég geri og síðan eru hinar ýmsu síður eins og t.d. einkamál sem er vinsæl fyrir þá sem eru í maka leit og þegar ég kíkti voru ekki nema 245 tengdir notendur svo einhverjir nota þjónustuna þarna - gott mál og gangi ykkur vel!! Málefnin.com er aftur á móti svona spjall vefur og þar er fólk að tjá sig um hin ýmsu málefni, frá stjórnmálum til íþrótta. Kíkti á friendster og það er svona net - vinanet eða blogg. Vona að þetta sé nóg hjá mér, gaf mér ekki tíma til að kíkja á hvernig hinir eru að gera, geri það áður en ég skrifa aftur.

Tölvuleikir

2003-09-01T00:36:00.000Z

Ég er ekkert inni í leikjum á netinu en þá leitar maður aðsjálfsögðu og á betra.net er hægt að gera allskonar próf ég tók kvikmyndapróf og kolféll (8 af 20) þarf greinilega að fara oftar í bíó. Svo er svona alvöru leikjasíða sem ég átti að finna með fullt af leikjum sem ég ætla ekki að reyna að prófa, enda skelfileg í tölvuleikjum. Læt þetta duga.
bæ, bæ

Vefir

2003-09-01T00:22:00.000Z

Skólavefurinn er sá vefur sem ég hef lang mest notað í starfi og er hann í stöðugri þróun. Þar er hægt að finna allskonar verkefni í hinum ýmsu fögum og jafnvel próf. Skólavefurinn er lokaður vefur og þurfa skólar að hafa áskrift að honum. Einnig er skemmtileg síða fyrir upplýsingatækni á utn.is, reyndar ætlaður fyrir framhaldsskóla en það kemur varla að sök.

1. verkefni - ég

2003-09-01T00:02:00.000Z

Vá, var að skoða póstinn og það á að skila verkefni núna þannig að ég fer bara seinna að sofa : )
Ég er uh 33 ára Keflvíkingur, gift honum Gunna mínum og við eigum þrjú yndisleg börn, Gunnhildi og Snorra Má eru 8 ára tvíburar og Bergeyju sem er 8 mánaða.
Ég er búin að kenna í 10 ár en ætla að vera heima í vetur og reyna að hugsa um börnin og sinna náminu af einhverju viti en mér finnst ég ekki hafa gert það fram að þessu. Kannski get ég líka sinnt áhugamálinu en við eigum hesta sem ég get varla sagt að ég hafi séð sl. tvö ár eða svo.

loksins, loksins

2003-08-31T23:33:00.000Z

hæ, það er víst löngu tímabært að byrja að skrifa, veit bara ekki alveg hvað. Var loksins að reyna að koma einhverju skipulagi á verkefnaskilin þessa önnina og ekki seinna vænna að byrja að læra - það er nóg framundan. Vantar alveg verkefna skil þe. dagsetningar í upplýsingamenntinni en ég á nú eftir að kíkja á síðuna og póstinn. Best að drífa í því og fara svo að koma sér í háttinn.

Hvalaveiðar

2003-08-18T15:34:00.000Z

Íslendingar hafa hafið hvalveiðar á ný eftir margra ára hlé. Skiptar skoðanir eru um þessar veiðar og hafa náttúrusamtökin Greenpeace fjallað mikið um málið. Einnig hafa íslenskir hvalaskoðunarmenn mótmælt og eltu þeir t.d. hvalveiðiskipin til að trufla veiðarnar. Þessi ákvörðun Íslendinga hefur vakið heims athygli og er m.a. frétt um þetta á BBC

Á Hvalavefnum má finna ýmsan fróðleik um hvali.

Hafrannsóknarstofnun telur þessar veiðar nauðsynlegar í rannsóknaskyni.

félagsleg samskipti

2003-08-15T14:51:00.000Z

Salvör var að segja frá skemmtilegum vef sem heitir friendster og líka malefnin
Báðar þessar síður eru svona nokkurskonar spjallsíður. Svo er líka einkamál sem er náttúrulega mjög þekkt

Skólinn

2003-08-15T14:41:00.000Z

Jæja mætt í skólann. Rosa stuð og upplýsingamenntin spennó. Ferlega þungt loft í stofunni en ég lifi....

2003-08-15T11:58:00.000Z

dsadfasd

Byrja

2003-08-15T08:03:00.000Z

Byrja hér að skrifa